pam maethu gyda ni?
pam ein dewis ni?
pam ein dewis ni?
Mae dewis Maethu Cymru yn golygu ymuno â’n cenhadaeth i sicrhau dyfodol gwell i blant lleol. Fel sefydliad nid-er-elw, rydyn ni’n rhoi popeth tuag at hyn – rydyn ni’n falch o fuddsoddi yn y sgiliau, yr arbenigedd a’r gofalwyr maeth gwych sydd gennyn ni, oherwydd dyna sy’n gwneud gwahaniaeth.
Dim ond un o’r 22 Awdurdod Lleol sy’n ffurfio’r gwasanaeth maethu cenedlaethol hwn yw Maethu Cymru Gwynedd. Gyda’n gilydd, mae gennyn ni gyfoeth o arbenigedd y gallwn ei rannu. Mae gennyn ni gyfleoedd hyfforddi a datblygu ar adegau sy’n gyfleus i chi, gweithwyr proffesiynol ymroddedig i’ch cynghori, a chefnogaeth ddydd a nos pryd bynnag y bydd ei hangen arnoch.
ein cenhadaeth
Ein pwrpas yw bod yno i blant lleol, pryd bynnag y bydd ein hangen ni arnyn nhw – ac rydych chi’n rhan o hynny hefyd.
Gallen nhw fod yn blant bach, yn eu harddegau, yn rhieni ifanc neu’n frodyr a chwiorydd. Mae stori ac amgylchiadau pob plentyn yn unigryw, ond yr un peth sydd ei angen arnyn nhw: rhywun i ofalu, ac i wrando.
Dyna pam rydyn ni yma. I ddarparu’r gefnogaeth honno. I roi’r adnoddau sydd eu hangen ar ofalwyr maeth i fod y gorau y gallan nhw fod.
ein cefnogaeth
Rydyn ni yma, pryd bynnag y bydd arnoch chi ein hangen ni. Rydyn ni’n dîm profiadol sy’n byw’n lleol, felly mae rhywun wrth law bob amser os a phan fydd eu hangen.
Dim ond galwad ffôn sydd raid. Ac ar ben hynny – rydyn ni’n cadw mewn cysylltiad, yn gofalu amdanoch chi yn eich rôl fel rhiant maeth.
Yn ogystal â gweithiwr cymdeithasol hyfforddedig, mae gwybodaeth ac arbenigedd tîm cyfan Maethu Cymru Gwynedd ar gael i chi.
ein ffyrdd o weithio
Er mwyn gwneud ein gorau dros y plant yn ein gofal, rydyn ni’n gweithio gyda’n gilydd. Rydyn ni’n cadw mewn cysylltiad – mae’n ganolog i bwy ydyn ni a beth rydyn ni’n ei wneud.
Dydyn ni ddim yn bell nac yn anodd ein cyrraedd. Rydyn ni’n lleol hefyd – rydyn ni’n rhan o’ch cymuned – ac rydyn ni’n yno i chi. Rydyn ni hefyd yn unigolion, gyda’n cryfderau ein hunain, yn union fel y gofalwyr maeth rydyn ni’n eu cefnogi.
eich dewis
Mae dewis maethu yn newid eich bywyd, ac mae cael y cymorth iawn o’ch cwmpas yn gallu gwneud byd o wahaniaeth. Gyda Maethu Cymru, rydyn ni wedi ymrwymo i ddarparu popeth sydd ei angen arnoch chi – dyna sydd yn bosibl gyda’n holl gyllid a’n harbenigedd. Drwy ein dewis ni, rydych chi’n cael teulu o bobl o’r un anian, gyda’r profiad a’r ddealltwriaeth i’ch helpu i wneud gwahaniaeth go iawn.
Siaradwch â ni heddiw a chychwyn ar eich taith faethu.
